Bizneset shqiptare po përballen prej më shumë se një jave me vështirësi serioze në aktivitetin e tyre të përditshëm për shkak të problemeve të vazhdueshme në sistemin e fiskalizimit.
Por sipas drejtorit të Përgjithshëm të Tatimeve, Ilir Binaj, situata është krejtësisht normale dhe “ndodh kudo në botë”.
Mesa duket, Binaj po ndjek me përpikëri modelin e justifikimeve të kryeministrit Edi Rama, i cili për çdo problem apo dështim të institucioneve shtetërore, e relativizon situatën duke u shprehur se e njëjta gjë ndodh edhe në vende të tjera
“Paraprakisht dua të shpjegoj që sistemet tona janë nga më të avancuarat dhe janë në zhvillim të vazhdueshëm, madje duke përfshirë edhe Inteligjencën Artificiale. Sigurisht që gjatë punës sonë ka momente që sistemet krijojnë probleme. Kjo ndodh kudo dhe adresohen nga strukturat e IT-së. Kur ndodhin këto problematika, bizneset kanë mundësi t’i mbledhin të dhënat dhe t’i raportojnë më vonë”, u shpreh Binaj.
