Dy burra janë akuzuar për kontraband emigrantësh në Mbretërinë e Bashkuar me një jaht nga Franca veriore.
Anija, me shtatë persona në bord, u gjet nga një anije e Forcës Kufitare pranë Ishullit Wight të dielën pasdite dhe u shoqërua në Marinën e Gosport, tha më parë Agjencia Kombëtare e Krimit (NCA).
BBC, shkruan se ekuipazhi i saj, dy burra ukrainas, janë akuzuar për lehtësimin e imigracionit të paligjshëm.
Vladyslav Cherniavskyi, 37 vjeç, dhe Oleksandr Yavtushenko, 43 vjeç, do të paraqiten para gjykatësve të Portsmouth më vonë.
Katër nga pasagjerët e anijes – tre meshkuj shqiptarë dhe një femër vietnameze – u janë dorëzuar autoriteteve të imigracionit, tha NCA.
Një pasagjer i pestë, Pëllumb Selimi, 29 vjeç, nga Shqipëria, është arrestuar për mosparaqitje në gjykatë në lidhje me veprat penale të drogës.
Ai do të paraqitet para Gjykatës së Kurorës së St Albans, shtoi NCA.
