Rëndohet bilanci i personave që humbën jetën si pasojë e një shpërthimi të fortë që ndodhi pasditen e sotme në Lushnje.
Nga raportimet e fundit mësohet se pas Landi verçanit që humbi jetën pak momente pas ngjarjes, viktima e dytë është djali i tij. Land Verçani dhe djali i tij ndodheshin në mjetin ekskavator që po kryente punime në një magazinë, e cila sipas raportimeve është në pronësi të deputetit socialist Bujar Çela. Ky i fundit mbeti i plagosur gjithashtu nga shpërthimi, bashkë me disa persona të tjerë.
Policia dhe Prokuroria kanë nisur hetimet mbi ngjarjen, por duket se neglizhenca e treguar në marrjen e masave të sigurisë për jetën e punëtorëve, shkaktoi dy viktima dhe disa të plagosur, mes të cilëve edhe deputetit-pronar, Bujar Çela.
Nëse shpërndarësi i energjisë elektrike do të ishte vendosur në një vend të sigurt ku nuk do të kishte kontakt të drejtpërdrejtë me punëtorët, ngjarja e rëndë do të ishte shmangur.
