Një shpërthim i fortë ndodhi pasditen e sotme në Lushnje, duke shkaktuar dy viktima dhe 7 të plagosur, mes të cilëve edhe deputetin e PS-së, Bujar Çela.
Një nga viktimat është Roland Hoxha, 55 vjeçari që po drejtonte vinçin, teksa punonte në një kapanon në ndërtim në Lushnjë.
Ishte ora 15:30 kur babë e bir Roland dhe Lidio Hoxha ndodheshin në vinç dhe aksidentalisht prekën telat e tensionit të lartë, lëvizje e cila i mori jetën. Shpërthimi u ndje në të gjithë qytetin.
Si pasojë e shpërthimit humbi jetën në vendngjarje Roland Hoxha, vinçieri, ndërsa djali i tij, Lidio, humbi jetën pak orë më pas, duke mos i mbijetuar plagëve. I riu kishte vetëm pak kohë që ishte kthyer nga emigracioni.
Sot ishte dita e parë e punës për të dy, por ata nuk e dinin që kjo do të ishte edhe dita e fundit.
