Janë identifikuar dhe janë shpallur në kërkim bashkëpunëtorët e masakrës së Shkodrës, ku mbetën të vrarë dy persona dhe dy të tjerë u plagosën.
Policia ka vënë në pranga shtetasin R. G., 28 vjeç, për veprat penale “Vrasja në rrethana të tjera cilësuese”, “Vjedhja me armë”, “Shkatërrimi i pronës”, “Mbajtja pa leje dhe prodhimi i armëve” dhe “Vjedhja”.
Gjatë operacionit u sekuestruan: 2 armë zjarri (1 automatik dhe 1 pistoletë), skafandër, maskë, jelek antiplumb, shishe me lëndë djegëse, automjeti i vjedhur dhe motomjeti që mbeti në vendin e ngjarjes.
Në kërkim janë shpallur shtetasit B. B., 39 vjeç, dhe një 17-vjeçar, të dy të dyshuar për sigurimin e mjeteve dhe kushteve për kryerjen e krimeve.
Gjatë kontrollit të një baze që përdorej nga të dyshuarit u sekuestruan: 7 armë zjarri, municion luftarak, 45 kapsolla detonatore, 5 dronë, pajisje shtesë për dronë, laptop, 5 aparate fotografike dhe një automjet “Audi” me targa të vjedhura.
