OSBE-ODIHR ka nisur sot zyrtarisht misionin e monitorimit për zgjedhjet parlamentare të 11 majit.
Drejtuesi i misionit, Lamberto Zanier u pyet për rolin e SPAK në procesin e monitorimit. Ai tha se do ta shohin iniciativën e SPAK, por OSBE do t’i vendosë gjetjet në raport.
“Do ta shikoj këtë iniciativë të SPAK dhe nuk kam një koment për momentin. Ne do ti vendosim gjetjen në raport, ne nuk jemi këtu të bëjmë detyra te tjera. Të gjitha gjetjet tona do vendosen në raport”, tha ai. Jemi shumë të angazhuar për të bashkëpunuar me autoritetet por ama gjetjet e parregullsive do të ndahen përmes raportove tona”, tha ai.
Gazetari: Kontrolli parave me të cilat financohen partitë politike? A keni një mekanizëm specifik?
Zanier: Metodologjia e ODIHR e përfshin këtë. Natyrisht ne do ta shikojmë këtë si është situata. Do t’i kushtojmë vëmendje. Kjo është me rëndësi kur në flasim për një demokraci të shëndetshme.
Gazetari: 2021 fenomeni shitblerjeve të votës, qeveria ka dhënë bonus për pensionistët, a ndikon kjo tek gara e ndershme?
Zannier: Puna ime nuk është për apele ndaj forcave politike. Në raportet e fundit ne kemi parë këto fenomene. Përmes raportimeve ne duam ti frenojmë këto. Do ti shohim çështjet e shpërdorimit të asteve publike apo për shitblerje vote për ti shkurajuar këto fenomene.
Gazetari:Çfarë mund të na thoni për procesin e votës së diasporës?
Zannier: Votimi nga jashtë nuk ka një standard ndërkombëtar. Secili vend vendos specifikat e veta. Ne do të shikojmë përmes dy ekipeve ne do të ndjekin në aeroport kur vinë votat, si menaxhohen e si do të numërohen më pas e raportohet në KQZ. Kjo për tu siguruar në transparencë. Po ne do të tregojmë kujdes edhe për këtë aspekt. Jemi të përkushtuar për ta ndjekur këtë proces.
