Analisti Ergys Mërtiri është përfshirë në një debat me studion e emisionit “Open” me juristin Çlirim Gjata dhe ish-kryebashkiakun e Shkodrës, Bardh Spahia, teksa po komentonin vendimin e Gjykatës së Lartë për logon dhe vulën e PD-së.
Shkak i debatit u bënë deklaratat ndaj Mërtirit, i cili u quajt “shërbëtor i Ramës dhe sekretar partie”. Mërtiri u kundërpërgjigj me tone të forta duke thënë se “nuk jam në politikë! Këtë lloj gjuhe përdoreni me njëri-tjetrin”.
Pjesë nga debati në studio:
Mërtiri: Ju nuk doni komisionet, por doni Berishën. Ky thotë ‘je sekretar partie, je duke i shërbyer Ramës’, nuk është kështu. Unë nuk jam në politikë. Kam pak dinjitetet, këtë lloj gjuhe bëheni me njëri tjetrin.
Gjata: Do ta bëjmë me njëri tjetrin.
Mërtiri: Unë kam të drejtë të reagoj. Këta duhet të tërhiqen nga ato që thonë. Duhet të thonë ‘më fal’.
Gjata: E morëm vesh tani.
