Tre persona janë proceduar nga policia pasi akuzohen për përndjekje dhe shantazh në rrjetet sociale.
Një 28-vjeçare ka përndjekur një të re. Ndërsa një 36-vjeçar, është proceduar nga policia, pasi ka postuar fotot personale të ish-bashkëshortes.
Gjithashtu ëhstë marrë nën hetim një 28-vjeçar, i cili ka postuar në rrjetet sociale fotot personale të një 26-vjeçareje, me mbishkrime fyese ndaj saj.
“Specialistët për Hetimin e Krimit Kibernetik referuan materialet në Prokurori, ku nisi procedimi në gjendje të lirë për shtetasit:
-E. C., 28 vjeçe, pasi dyshohet se ka përndjekur nëpërmjet rrjeteve sociale një 27-vjeçare;
-S. H., 36 vjeç, pasi dyshohet se në rrjetin e tij social ka postuar fotot personale të ish-bashkëshortes, bazuar në kallëzimin e bërë prej saj;
-K. P., 28 vjeç, pasi ka postuar në rrjetet sociale fotot personale të një 26-vjeçareje, me mbishkrime fyese ndaj saj.”, njoftoi policia.
Ndërsa dy shtatase të tjera, kanë denoncuar në polici raste abuzimi në rrjetet sociale, pasi një 27-vjeçareje i është hapur një profil fals me fotot e saj dhe një 34-vjeçare i kanë ardhur komente fyese.
“-me datë 11.08.2025, kallëzuan shtetasit:
K. C., 27 vjeçe, se në rrjetet sociale i është hapur një profil fals me fotot e saj, duke përdorur shprehje fyese. Autori është idemtifikuar nga ana e Policisë dhe po punohet për dokumentimin e ngjarjes;
H. V., 34 vjeç, se i kanë ardhur komente fyese në profilin e tij në një rrjet social. Punohet për identifikimin e kapjen e autorit dhe sqarimin e rrethanave të rastit;”, informoi policia.
Materialet procedurale iu referuan Prokurorisë së Tiranës, për veprime të mëtejshme.
