Rike Roçi ishte banorja që la shtëpinë më të famshme në Shqipëri një natë më parë. Ajo dioli nga “Big Brother VIP 3” dhe sot, e ftuar në “Fun Club” rrëfeu detaje nga eksperienca që kaloi.
Rike Roçi u përball dhe me pyetjet e opinionistëve, Ronaldo Sharka dhe Ina Kollçaku, të cilët i përmendën dhe Fatjon Kuqarin. E pyetur nëse kanë folur pas daljes nga shtëpia, Rikja tha se Fatjoni nuk e ka numrin e saj, por shtoi se ai ishte i vetmi person me të cilin mund të krijonte aleancë ose grup në lojë.
Pjesë nga intervista:
Rike Roçi: Fatkeqësisht, Fatjoni la lojën. Unë do isha grup me Fatjonin.
Ina Kollçaku: Do ishte Fatjoni në grupin tënd apo do ishe ti në grupin e Fatjonit?
Rike Roçi: Ne do ishim “Tavola a rotondo” (tavolina rrumbullake)
Ina Kollçaku: Epo ti e di që ajo nuk ekziston.
Rike Roçi: Ekziston, jo s’ka lidhje ne do të ishim grup.
Ina Kollçaku: A të ka shkruar Fatjoni tani që dole?
Rike Roçi: Jo, sepse nuk e ka numrin tim.
Ina Kollçaku: I bëjmë thirrje Fatjonit. Do ta jap unë pastaj.
