Nga Etleva Merko
Sistemi arsimor parauniversitar ka nevojë të përmirësohet duke iu përshtatur zhvillimeve dhe ndryshimeve të kohës. Megjithatë, këto ndryshime duhet të realizohen pa humbur thelbin e edukimit dhe vlerat që shkolla përcjell tek nxënësit.
Një nga hapat më të rëndësishëm është rishikimi i kurrikulës mësimore nga klasa e parë deri në klasën e nëntë, në mënyrë që ajo të jetë më bashkëkohore dhe më e përshtatshme për nevojat e sotme.
Gjithashtu, tekstet shkollore duhet të përmirësohen duke qenë më të qarta, më praktike dhe më të kuptueshme për nxënësit, por duke ruajtur thelbin e çdo lënde.
Në procesin mësimor duhet të përdoret më shumë teknologjia, pasi ajo ndihmon nxënësit të mësojnë me më shumë interes dhe lehtësi.
Përveç njohurive teorike, shkolla duhet të ndihmojë #nxënësit të zhvillojnë #mendimin #kritik, #kreativitetin dhe aftësitë praktike për jetën.
Një rol shumë të rëndësishëm kanë edhe mësuesit, të cilët duhet të trajnohen vazhdimisht me metoda moderne të mësimdhënies. Po ashtu, në shkolla duhet të përfshihen tema që lidhen me jetën e përditshme, si komunikimi, puna në grup dhe përdorimi i sigurt i internetit.
Gjatë gjithë këtyre ndryshimeve duhet të ruhen #gjuha, #kultura dhe #identiteti #kombëtar.
Përmirësimi i sistemit arsimor duhet të bëhet hap pas hapi dhe me bashkëpunimin e mësuesve, prindërve dhe institucioneve arsimore, me qëllim krijimin e një arsimi më cilësor dhe më të përshtatshëm për brezat e rinj.
