Pas shembjes së rreth 70 objekteve dhe bujtinave në kulmin e sezonit turistik, kryeministri Edi Rama ka dërguar sërish IKMT në Theth.
Bëhet me dije se mëngjesin e e kësaj të shtune fadromat kanë zbarkuar në Theth ku pritet të prishin rreth 8 objekte të tjera, mes tyre edhe struktura akomoduese të ngritura nga banorët vendas.
Mësohet se fillimisht ndërhyrja ka nisur tek një objekt trekatësh i ngritur vitin e fundit. Kjo godinë është vendosur që të shembet me eksploziv tritol. Në total janë 8 objekte në listë që priten të shemben fillimisht, godina trekatëshe dhe 7 shtëpiza druri.
Ky aksion ashtu sikurse dhe i pari është kundërshtuar nga banorët e zonës, por kjo nuk i ka ndalur fadromat të vazhdojnë me shembjet.
