Sot në Shqipëri është festuar 111 vjetori i Pavarësisë, ndërsa për herë të parë, pati një rivalitet mes Tiranës dhe Vlorës, përsa i takon aktiviteteve të organizuara.
Vlora mblodhi figurat më të rëndësishme politike të trojeve shqiptare, por Tirana tërhoqi vëmendjen me protagonizmin e theksuar të kryebashkiakut Erion Veliaj. Duket se ky i fundit ka, ndoshta edhe me “bekimin” e Edi Ramës, ka zgjedhur të sfumojë Vlorën, atje ku 111 vite më parë Ismail Qemali ngriti flamurin dhe shpalli pavarësinë e Shqipërisë.
Në Vlorë shkuan Presidenti Bajram Begaj, kryeparlamentarja Lindita Nikolli, Kryeministri Edi Rama, homologu i tij nga Kosova, Albin Kurti, ish-Kryeministri Sali Berisha, dhe mjaft figura dhe emra të politikës shqiptare.
Ndërkohë në Tiranë, Veliaj kishte organizuar festën e tij, ku përfshihej edhe një paradë, ndërsa nuk munguan këngët e valet.
Kryeqyteti mblodhi 150 delegacione, mes tyre 50 arbëreshe, të cilët kanë parakaluar në bulevardin “Dëshmorët e Kombit” me kostume popullore tradicionale për ti treguar botës kulturën tonë.
Gjithçka që u organizua në Tiranë, sot mund të zhvendosej në Vlorë, atje ku në 1912 u shpall Pavarësisë.
Por Veliaj njihet për protagonizmin e tij dhe kurrsesi nuk mund të humbiste rastin që të rrëmbente sa më shumë vëmendje, madje të rivalizonte jo thjesht Edi Ramën, por edhe të sfumonte pak Vlorën, e cila prej dekadash, të paktën në 28 nëntor, trajtohej si kryeqyteti simbol i shqiptarëve.
