Kryeministri Edi Rama ka folur në Kuvend në nisje të seancës plenare. Teksa opozita protestonte, Rama mori fjalën dhe foli për pensionistët.
Në kuadër të fushatës së nisur, Rama u shpreh se për ata pensionistë që kanë një pension deri në 200 euro, do të jepet trefishi i bonusit në vlerë 150 euro, ndërsa për ata pensionistë që marrin më shumë se 200 do të marrin dyfishin e bonusit.
Rama: Në hyrje të kësaj fjale dua tu përcjell të gjithë pensionistëve të Shqipërisë lajmin e mirë se në ditët në vijim qeveria do të çlirojë një fond prej 100 mln euro për burnusin e fundvitit. Ky bonus do të ndahet në dy shkallë, të gjithë pensionistët që kanë një pension deri në 20 mijë lekë, 200 euro do të marrin trefishin e bonusit të deri djeshëm përmes një bonusi të ri prej 150 euro. Ndërsa pensionistët që kanë një pension më të madh se 20 mijë lekë do të marrin dyfishin e bonusit të mëparshëm përmes një bonusi prej 100 euro.
Fjala e Ramës u shoqërua me protesta nga opozita, çka bëri që të ndërpritet seanca. Demokratët kanë paralajmëruar se nuk do ta votojnë projektbuxhetin e vitit 2025.
