Kryeministri Edi Rama, në një takim me kryebashkiakët në Durrës, ka përmendur problematikën e shpërndarjes së ujit të pijshëm, ku tha se është koha që të kemi një Operator të Shpërndarjes së Ujit, siç kemi atë të shpërndarjes së energjisë.
Rama përmendi rastin e një drejtorit të UKT Tiranë, për të cilin tha se mbante 30 këshilltarë.
“Këtu kemi nevojë për një reformë, të gjitha llojet e eksperiencave na nxjerrin në konkluzionin se është koha për operator kombëtar të sistemit të shpërndarjes së ujit, që në adresë një çështje jetike, sikurse është çështja e furnizimit me ujë. Mund ta përfytyroni një zyrë drejtori ujësjellësi me 30 këshilltarë, me 30 vetë staf? Nuk ka zyra ime as çerekun. Mund ta përfytyroni një drejtor UKT me 30 veta në zyrë. Kështu ishte në Tiranë. Çudira ka pasur shumë, ka më pak tani, por prapë ka tepër se Shqipëria nuk ka luksin të presë që të gjithë të bëjnë punën siç duhet”, tha Rama.
Po kush ishin drejtoret e UKT-së Tiranë?
Dy nga drejtoret më të rëndësishëm në Ujësjellësin e Tiranës ishin Redi Molla dhe Elton Kacidhja
Molla aktualisht është i dënuar nga GJKKO si pjesë e dosjes ‘5D’. SPAK e akuzoi Mollën si pronarin “de facto” të shoqërisë “5D Konstruksion”, që ka përfituar miliona nga tenderat e Bashkisë së Tiranës.
Ndersa Elton Kacidhja një nga njerëzit me te besuar të Veliajt, është nën hetim nga SPAK sepse gjatë kohës qe drejtonte Ujësjellësin e Tiranës i ka dhënë një tender kompanisë ‘5D’
Elton Kacidhja, del në komunikimet e aplikacionit “Whats App” me biznesmenin Nestor Muhametllari, pronari në letra i kompanisë “5D Konstruksion”.
Ndërsa pronarët faktikë të kësaj kompanie sipas SPAK janë Redi Molla dhe Mariglen Qato. dy ish- drejtorët që konsiderohen si njerëzit më të besuar të Erjon Veliaj.
