Sot priten reshje shiu në disa qarqe të vendit, intensive dhe të shoqëruara me shtrëngata.
Agjencia Kombëtare e Mbrojtjes Civile iu bën thirrje strukturave të Mbrojtjes Civile dhe institucioneve përgjegjëse në nivel vendor dhe qendror, të marrin masa parandaluese.
“Bashkitë në zonat me risk më të lartë të forcojnë gatishmërinë operacionale dhe të ndjekin në mënyrë të vazhdueshme situatën në terren.
Prefekturat të përcjellin informacionin pranë bashkive dhe të raportojnë në kohë çdo situatë pranë Qendrës Kombëtare Operacionale të Emergjencave Civile”, thuhet në njoftim.
