Policia ka ‘zbarkuar’ ditën e sotme në banesën e Naim Murselit dhe ka zhvilluar kontrolle. Mediat kosovare kanë ndarë disa pamje nga aksioni i policisë në banesën e biznesmenit i cili dyshohet se ka urdhëruar vrasjen e Liridona Murselit, 30 vjeçe, më 29 nëntor.
Edhe zyrtarët e Qendrës për Punë Sociale kanë shkuar te familja e ish-bashkëshortit të Liridonës. Në shtëpinë e Naim Murselit raportohet se ndodhen fëmijët e tyre.
Murseli, Granit Plava e Kushtrim Kokalla të dyshuar për vrasjen e Liridona Ademajt u arrestuan mbrëmë nga policia, pak orë pas varrimit të të ndjerës.
