Një aksident i rëndë është regjistruar pak ditë më parë në autostradën pranë zonës së Astirit në Tiranë, ku dyshohet se janë përfshirë disa automjete dhe kanë mbetur të dëmtuar të paktën dy persona.
Sipas informacioneve të siguruara nga redaksia e Maka.al, njëri prej të plagosurve ndodhet prej dy ditësh në gjendje kome, i shtruar në repartin e reanimacionit.
Pavarësisht rëndësisë së ngjarjes, deri më tani nuk ka pasur një njoftim zyrtar nga Policia e Shtetit për aksidentin.
Mungesa e një njoftimi zyrtar ngre pikëpyetje mbi mënyrën e informimit për një ngjarje të tillë.
Përse ende nuk ka një sqarim nga autoritetet për një aksident kaq të rëndë?
Si ka mundësi që në të njëjtën ditë publikohen njoftime për arrestime të ndryshme, ndërsa për një ngjarje me pasoja të rënda nuk ka asnjë informacion zyrtar?
Cilat janë rrethanat e plota të ngjarjes?
https://www.instagram.com/reel/DbEIajLMBcm/?utm_source=ig_web_button_share_sheet
