Kryetari i Grupit Parlamentar të Partisë Socialiste, Taulant Balla, ka ndarë një postim simbolik pas fitores historike të Shqipërisë ndaj Serbisë më 11 tetor 2025.
Në një foto të publikuar në rrjetet sociale, ai ka treguar një top transparent të vendosur mbi një bazë druri ku shkruhet rezultati “Serbi 0-1 Shqipëri – 11.10.2025”.
Brenda topit ndodhet bar nga fusha e stadiumit në Serbi, si kujtim nga momenti i fitores.
“Ja dhe plisi nga fusha e fitores së 11 tetorit, për t’u mos harruar” ka shkruar Balla në përshkrimin e fotos.
Taulant Balla ka qenë i pranishëm në stadium gjatë ndeshjes, duke mbështetur ekipin kombëtar në një nga fitoret më të rëndësishme për kuqezinjtë.
