Plakja e popullsisë po e bën Shqipërinë të bjerë pre e nevojave sociale, kryesisht për moshën e tretë. Një studim i PNUD nxjerr në pah se vetëm 13% e të moshuarve mbi 65 vjeç marrin ndihmë nga kujdestarë jashtë familjes, ndërsa pjesa tjetër mbulohet nga vetë bashkëshortët ose fëmijët e të moshuarve.
Studimi ka ndodhur si pjesë e projektit të Kombeve të Bashkuara, i cili ka për bazë se si mund të nxitet punësimi i grupeve vulnerabël. Një prej tyre është elementi që kemi identifikuar: kujdesi afatgjatë për moshën e tretë. Piketuam familjet që kanë të moshuar mbi 65 vjeç në Shqipëri, pyetëm për nevojat e tyre ditore dhe nevojat që ata përdorin për ndihmë, që quhet kujdestarë. Dëshëm të ballafaqonim nevojën e 65 vjeç e lart. Ne pamë kostot financiare të përditshmërisë apo nevojën për kujdes. Shpesh kujdesi afatgjatë merret përsipër nga familjarët, gratë janë ato që japin kujdes.
Sipas studimit, 23% e të moshuarve në vend janë tërësisht të varur nga kujdesi i të tjerëve për shkak të sëmundjeve kronike të shumëfishta.
Ajo që shihet me shqetësim nga specialistët e PNUD, është fakti se ky studim nxjerr në pah nevojën për punonjës të kualifikuar për të moshuarit.
“Pritet që në vitet e ardhshme të kapë 26% të popullsisë të moshës së tretë. Kjo do na nxjerrë në pah nevojën e krahut të punës dhe të kualifikimit të fuqisë punëtore për fizioterapi, për psikologji… po flasim për shërbime të sëmundjeve të tipit dementia apo alzaimer”, tha Eno Ngjela.
Me rritjen e moshës së tretë në popullatë, ku pritet të arrijmë në 26%, do na duhet nevoja për krahun e punës dhe kualifikimin e fuqisë punëtore për të moshuarit. Kujdesi në kushtet e shtëpisë ka nevojë edhe për psikologji dhe fizioterapi, demencë dhe Alzheimer. Duhet investim për fuqinë punëtore për moshën e tretë.
Në vendin tonë mungon mjeku specialist për moshën e tretë, ai geriatër. Aktualisht, në Shqipëri, mbi 20% e popullsisë mbi 65 vjeç, krahas sëmundjeve bashkëshoqëruese, kanë humbur edhe një aftësi, në të ecur apo shikim, ndërsa te ata mbi 80 vjeç, kjo përqindje shkon deri në 50%.
/Tv Klan/
