Një 37-vjeçar, i identifikuar si Skerdi Mehmetaj (Piperi), ka mbërritur sot në Spitalin e Vlorës me plagë të shkaktuar nga një armë zjarri në këmbë. Ngjarja ka ndodhur në rrethana ende të paqarta.
Sipas njoftimit zyrtar të Policisë së Vlorës, shtetasi S. M., banues në Selenicë, është dërguar për ndihmë mjekësore dhe ndodhet aktualisht nën kujdesin e mjekëve.
Grupi hetimor ka nisur menjëherë punën për të zbardhur plotësisht rrethanat e ngjarjes dhe për të dokumentuar çdo detaj ligjor. Deri tani, nuk janë bërë të ditura motive apo detaje të tjera rreth vendit ku ka ndodhur plagosja.
