Avionë privat për të trafikuar drogë dhe ferma mijëra hektarëshe në Paraguay. Ndërkohë që miliona euro të tjera hynin në Shqipëri, disa groposeshin e disa investoheshin në prona. Grupi i Ervis Çelës dhe Franc Çopjas nuk kishte limite. Disa miliona euro për ta ishin vetëm çështje ditësh, ndërsa dosja hetimore zbardh se jo vetëm kokainë por organizata kriminale trafikonte edhe armë.
Dosja e trafikantëve të drogës që drejtohej nga Franc Çopja dhe Ervis Çela, të cilët trafikonin tonelata kokainë nga Amerika Latine, është e mbushur me episode që provojnë financat e frikshme në duart e krimit të organizuar.
Por ku përfundonin miliona euro që trafikantët mes njëri-tjetrit madje, binin ngusht se ku ti investonin apo fshihnin. Dosja zbardh detajet nga avionët privat tek pronat mijera hektarëshe në Amerikën Latine.
Në një tjetër procedim, vëllezërve Çopja u janë sekuestruar 10 milion euro kriptovaluta, dhe disa miliona euro pasuri në zona të lakmuara të Tiranës por jo vetëm.
Por a janë sendet dhe pasuritë e sekuestruar në proporcion me fitimet?! Mjafton të lexojmë përgjimet në SKY ECC, dhe një nga rastet është shumë interesante.
“Të fitosh 2 milionë euro nga hiçi”. Kështu thotë Franc Çopja në një bisedë me Ervis Çelën. Ky i fundit e dinte të sekuestruar sasinë prej 100 kg kokainë, por Franci i jep lajmin e mirë.
PERGJIMET:
FRANC ÇOPJA: Ke fitu noj herë 2 milion euro kot nga hiçi? Hap mesazhin dhe lexon ke fitu 2 000 000 euro
ERVIS ÇELA: Kot për sport… ku i fitove?
FRANC ÇOPJA: Ti ti, them ke fitu noi herë?
ERVIS ÇELA: Jo
FRANC ÇOPJA: Ëëë, ajo puna që kishe 100 copë ti… me Barbën, që u kap, doli sot, hahahahaah
ERVIS ÇELA: Hahahahahaah, po tallesh ti
Franc Çopja: Pooooo
Ervis Çela: Ça i bone amon? Më thuaj, noi magji të fortë. S’ka mundësi kjo gjo
FRANC ÇOPJA: Ëëë, ka mundësi ka
Grupi kriminal nuk trafikonte vetëm drogë me kontejner, por edhe armë.
“Në vijim, Franc Gergely i kërkon që në ngarkesën e radhë me lëndë narkotike e cila ende nuk ka shkuar e plotë në magazinën e Ervis Çelës në Paraguay i kërkon që bashkë me lëndën narkotike ti dërgojë dhe armë zjarri të cilave i referohet si “lodra”. Ervisi shprehet se do ia dërgojë. Franc Gergely alias Çopja i shprehet në të njëjtën bisedë se ka marrë 120 kg lënë plasëse C4”
Ervis Çela i dërgon të vëllait Rizait mes të tjerave një fotografi avioni të vogël i cili dyshohet se ishte blerë prej tij dhe transporton lëndë narkotike nga vendi i prodhimit”
Ervisi pas dërgimit të fotografive i shkruan vëllait të tij mesazhet me tekst: “S’ka njeri më shumë mall se unë… E mor mallin që në ven. Kam pista për avion”.
Ervis Çela qëndronte vazhdimisht në kontakt me vëllezërit, ku në shumë biseda, evidentohet se ata vendosnin thjesht objektivin se sa duhej të ishte fitimi dhe kjo arrihej për çështje javësh. Ervisi merrej me trafikun, të tjerët numëronin paratë.
Vëllezërit Çela komunikojnë mes tyre për blerjen e një ferme në Paraguai, dhe shifra është 9 milionë dollar dhe ka një sipërfaqe prej 7500 hektarësh.
ERVIS CELA-RIZA ÇELËS: “Jam në fermë, 7500 hektarë, duhet 5-6 orë me makinë ti biesh qark. Me Xhemen (Ardjan Çelën), 9 Milion”.
Vetëm nga këqyrja e Sky ECC është evidentuar se në të paktën 40 episode, janë transferuar shumat monetare në një vlerë prej 6 milionë eurosh drejt vendit tonë. Dhe jemi në vitin 2020, 5 vite më parë.
Këto para hynin kryesisht në Durrës. Teksa dyshimet janë për shumë më shumë, hetimet për këtë dosje u përqëndruan në dy ngarkesa të mëdha. 11.6 tonë kokainë të transportuara nga Paraguaji në Belgjikë, dhe 16.4 tonë të tjera nga Paraguaji në Gjermani./Syri tv
