Një aksident automobilistik është regjistruar paraditen e sotme pranë rrethrrotullimit të Bradasheshit, në hyrje të Elbasanit.
Mësohet se ngjarja ka ndodhur rreth orës 09:40, teksa në aksident janë përfshirë katër automjete. Si pasojë, mjetet kanë pësuar dëme të konsiderueshme materiale.
Fillimisht u raportua se mund të kishte persona të lënduar, por nga informacionet e fundit nuk konfirmohen të dëmtuar nga aksidenti.
Ndërkohë, për disa minuta lëvizja e automjeteve në këtë segment rrugor është vështirësuar, duke shkaktuar ngadalësim të qarkullimit.
