Ndahet nga jeta në moshën 70-vjeçare valltarja e njohur e Ansamblit Kombëtar të Këngëve dhe Valleve Popullore, Liljana Cingu. Liljana Cingu është një valltare e njohur e Ansamblit Kombëtar të Këngëve dhe Valleve Popullore. Nderuar nga presidenti shqiptar me urdhrin “Mjeshtër i madh” për kontributin e dhënë në vallen popullore shqiptare.
Performancën e saj të fundit ajo e dha në skenën e Dancing with the Stars” vitin e kaluar. Ka qenë pikërisht Sara Hoxha, fituesja e këtij spektakli vjet, që bëri një dedikim mjaft prekës për valltaren.
“Nuk di mirë të bëj dedikime të tilla në Instagram sikur nuk gjej kurrë fjalët e duhura për momente të tilla. Por fakti që për herë të fundit skenën e ndave me mua më bën të rikujtoj dhe një herë këtë moment që për mua do mbetet një kujtim shumë i bukur. U prehsh në paqe Lili”.
