Pesë muaj pas sulmit të rëndë që i rrezikoi jetën, kryeministri i Sllovakisë, Robert Fico, ka marrë një tjetër kërcënim serioz. Një zarf, që përmbante një plumb, i është dërguar në adresën e tij. Zyra e kryeministrit konfirmoi lajmin përmes një deklarate për mediat.
“Mund të konfirmojmë se zarfi përmbante një plumb, ai është dërguar në adresën e kryeministrit të Sllovakisë”.
Zarfi është analizuar nga ekspertët e sigurisë, të cilët janë të specializuar në mbrojtjen e zyrtarëve publikë dhe misioneve diplomatike. Ky kërcënim vjen në një kohë të tensionuar për Fico-n dhe vendin e tij. Sulmi i mëparshëm ndaj tij, u krye nga 71-vjeçari Juraj Cintula, i cili pretendonte se nuk ishte dakord me politikat e qeverisë së kryeministrit.
Fico u qëllua me armë teksa përshëndeste mbështetësit në qytetin e Hadlova. Atij iu desh t’i nënshtrohej një operacioni të gjatë dhe është duke u rikuperuar që nga fundi i majit.
