Familja e ish-futbollistit Igli Allmuça ka denoncuar ndërtimin e një pallati ngjitur me dritaret e banesës së tyre në zonën e “Ali Demit”. Bëhet fjalë për pallate 6 dhe 8 kate me 2 kate parkim nëntokë, që po ndërtohen nga kompania “Keam International” shpk, me pronar dy vëllezërit Astrit dhe Sali Xhebrahimi, të cilët zotërojnë secili nga 50% të aksioneve.
Babai i ish-futbollistit, Nexhmi Allmuça thotë për MCN se nuk kanë marrë asnjë njoftim për nisjen e punimeve nga firma. Ai shprehet se pasi erdhi nga plazhi, pa se kompania e dy vëllezërve Astrit dhe Sali Xhebrahimi kishin ngritur kollonat gjysëm metri larg dritareve të banesës së tij.
“U irritova kur e pashë, sepse janë dhomat e çunave dhe tashmë atyre u hiqet e drejta për të marrë frymë e për t;iu futur dritë në dhomë. Edhe ai që është në burg e ka një dritare” – shprehet kryefamiljari.
“Nëse institucionet shtetërore tregojnë se nuk funksionojnë dhe nuk e zgjidhin dot, do bëj një gjë të keqe, vetëgjyqësi…”– tha ai.
Në një telefonatë me pronarin e firmës, Astrit Xhebrahimin, ai nuk di çfarë të thotë por vetëm përsërit se zona është e gjitha për zhvillim dhe se ka marrë lejen për ndërtimin.
Telefonata:
Duke qenë se është zero metra distanca midis dritareve dhe objektit që ju po ndërtoni, sipas mendimit tuaj si qytetarë sa normale është?
Astrit Xhebrahimi: Ajo është e gjitha për zhvillim
Edhe shtëpia e zotit Allmuça?
Astrit Xhebrahimi: E gjithë zona është për zhvillim, nuk është vetëm Allmuça. Tani unë nuk e di se nuk përgjigjem për njerëzit, ajo është zonë e gjitha për zhvillim dhe nuk di ç’të them për familjen Allmuça.
