Një operacion policor në Lozhan, në Maliq, është shoqëruar me të shtëna armësh nga të cila humbi jetën një efektiv i Forcave Shqiponjave dhe u plagos një tjetër.
Mësohet se operacioni ishte organizuar për të kapur Viloand Braçellari, një ish-ushtarak me rrezikshmëri të lartë.
Pas sinjalizimeve se i kërkuari fshihej në zonë, agjentë të Policisë së Korçës janë nisur drejt Podenës për ta arrestuar. Gjatë ndërhyrjes, i dyshuari ka hapur zjarr ndaj forcave të policisë, duke lënë të vdekur një efektivin e Shqiponjave e duke plagosur një tjetër.
Braçellari ishte shpallur në kërkim prej vitesh. Ai kishte edhe një vendim gjykate për çështje të lidhura me lëndët narkotike.
Sipas informacioneve, Braçellari dyshohet se jetonte prej vitesh në pyjet e Podenës, ku kishte ngritur një stan të madh dhe mbante disa qen. Një ditë më parë, policia kishte marrë informacion se ai ndodhej i fshehur në këtë zonë të thellë malore.
