Partia Demokratike ka dorëzuar draftin ligjor për njohjen e dy gjinive pranë Kuvendit.
PD mori këtë hap për draftin ligjor dhe në përputhje me ndryshimet që u bënë në SHBA me rikthimin e presidentit Donald Trump, me qëllim kthimin e vlerave tradicionale të njerëzimit.
PD i bën thirrje opinionit publik për ta mbështetur këtë ndryshim ligjor, po ashtu dhe votimin e deputetëve në Kuvend për këto amendamente.
Deputeti Tritan Shehu,ka shpërndarë një postim në Facebook, ku shpreh shqetësimin se politikat që favorizojnë identitetet gjinore të tjera kanë një ndikim negativ, veçanërisht mbi fëmijët dhe strukturën e familjes.
Sipas Shehut, ky propozim është një hap për të mbrojtur vlerat tradicionale dhe për të ndaluar përhapjen e çështjeve që ai i sheh si të dëmshme për shoqërinë shqiptare.
