Ka nisur seanca gjyqësore për masën e sigurisë ndaj Altin Çokut, i cili akuzohet se shtyu drejt vetëvrasjes një 27-vjeçarare në Kamëz pak ditë më parë. Çoku shfaqet i heshtur pas kafazit prej xhami. Në seancë mësohet se Çoku ka vijuar të këmbëngulë se foton intime nuk e ka publikuar ai.
“Jam arrestuar në mënyrë të paligjshme sepse dihet kush e ka bërë. Foton e ka nxjerrë shtetasi A.H. Jam përdorues i Tik Tok si gjithë të tjerët”, tha ai.
Altin Çoku ka dëshmuar para Gjykatës se rrjetin social Tik Tok nuk e përdor për gjëra të këqija, por “ha bukë me të si gjithë të tjerët”. “Jam arrestuar në mënyrë të paligjshme sepse dihet kush e ka bërë. Foton e ka nxjerrë shtetasi A.H. Jam përdorues i Tik Tok si gjithë të tjerët. Nuk e përdor për gjëra të këqija, ha bukë me të si gjithë të tjerët”, tha ai. Pas deklaratës së tij, gjykata e la në burg Çokun.
Kujtojmë se një 27-vjeçare i dha fund jetës, duke u vetëhedhur nga tarraca e një pallati në Kamëz pasi i kishin shpërndarë një foto intime në rrjetet sociale. Viktima ishte e martuar në Kosovë dhe kishte dhe një vajzë 2 vjeçe. Martesa ishte në krizë dhe vajza kishte shkuar në familjen e saj në Kamëz. Gjatë kohës që qëndronte në Kamëz ajo pati një takim intim me Altin Çokun i cili gjatë kohës që ishin në hotel i kishte bërë një foto dhe e kishte publikuar në “Tik- Tok”.