Thonë se detajet ndonjëherë flasin më shumë se faktet.
Disa orë pasi regjimi i Edi Ramës kishte izoluar liderin e opozitës, duke u rreshtuar me vende si Rusia, Bjellorusia apo Irani, shqiptarët panë se si monizmi ishte instaluar me fuqinë e plotë edhe në media.
Nata e ndërrimit të viteve duhej të shndërrohej në natën kur regjimi tregon edhe arrogancën e tij.
Prej vitit 1991 nuk kishte ndodhur asnjëherë që mesazhet e liderit të opozitës për natën e vitit të ri të zhdukeshin nga ekranet. Madje edhe kur ishte vetëm një ekran.
Por mbrëmë me regji tipike moniste, Endri Fuga kishte marrë në kontroll gjithçka.
TV Klan ishte në duart e Ramës jo vetëm virtualisht, por edhe fizikisht.
Rama lëvizte në studion e Ardit Gjebresë për rreth dy ore në ekstaze që ia arriti ditës të mbyllë liderin e opozitës jo vetëm brenda katër mureve, por edhe ta zhdukë nga ekrani.
Taulant Balla nga ana tjetër kishte shkuar të zaptonte studion e një tjetër TV-je kombëtare ku i shkon për shtat më së shumti t’i lërë të gjithë hapësirën televizive atij që de facto është lidhja e bandave në polici.
Topi i inceneratorëve kishte hapur dyert për çdo bandit rilindas, nuk ka rëndësi a është ministër apo kryebashkiak.
TVSH e Alfred Pezës nuk ka nevojë për koment.
Shqiptarët dëshmuan mbrëmë se ky është jo vetëm regjim i bandave, por edhe diktaturë e mediave.
Monizmi trokiti gotat me çdo shqiptar…
