Policia e Tiranës ka njoftuar masa për kufizimin e qarkullimit rrugor, para sfidës miqësore mes Shqipërisë dhe Jordanisë, e cila do të zhvillohet sot në orën 19:00 në stadiumin “Arena Kombëtare”.
Sipas njoftimit zyrtar, nga ora 17:00 deri në përfundim të ndeshjes, do të kufizohet qarkullimi në disa akse rrugore përreth stadiumit. Rrugët që do të preken nga kufizimet janë:
-Rruga “Dervish Hima”
-Rruga “Gjergj Filipi”
-Segmenti pranë Hotel “Marriott”, që lidhet me bulevardin “Dëshmorët e Kombit”.
-Rrugët anësore përreth stadiumit, përfshirë kahun nga Hotel “Sheraton”.
Policia u bën thirrje qytetarëve të shmangin lëvizjen me automjete në këto zona dhe të respektojnë kufizimet e vendosura, për të evituar bllokime dhe vonesa në qarkullim.
