Është ndarë nga jeta në moshën 81-vjeçare regjisori, aktori dhe skenaristi i njohur shqiptar, Leka Bungo.
Bungo vuante prej kohësh nga një sëmundje e rëndë. Regjisori do të përcillet për në banesën e fundit këtë të mërkurë, në orën 16:00 dhe do të prehet në varrezat e Sharrës.
Leka Bungo lindi më 28 shkurt 1944 në Vlorë dhe ishte një nga emrat më të spikatur të artit shqiptar, me kontribute të rëndësishme në teatër, film dhe televizion.
Ai kreu shkollën e lartë për aktor “Aleksandër Moisiu” dhe më vonë një kurs njëvjeçar për regji në Institutin e Lartë të Arteve.
