Pesë persona që kishin mbetur të bllokuar në një shpellë të përmbytur në Laosin qendror për më shumë se një javë janë gjetur të gjallë, por dy të tjerë ende rezultojnë të zhdukur, thonë ekipet e shpëtimit.
Grupi prej shtatë banoresh hyri në shpellë në një zonë të largët në provincën Xaisomboun më 19 maj, por përmbytjet e shpejta të shkaktuara nga shirat e rrëmbyeshëm bllokuan daljen.
Pesë prej tyre u gjetën të sigurt dhe gjallë, sipas Bounkham Luanglath të organizatës laosiane Rescue Volunteer for People, e cila ka bashkëpunuar ngushtë me autoritetet lokale në përpjekjet e shpëtimit.
“Unë ende po dridhem. Ekipi ynë e bëri të mundur,” tha z. Luanglath.
Kërkimi për dy personat e mbetur do të vazhdojë.
