Nga konferenca e dhënë në prag të ndeshjes së Europa League ndaj Slavia Prague, trajneri i Romës, Jose Mourinho është pyetur për deklaratat e homologut të tij te Lazio, Maurizio Sarri.
Sarri kishte thënë më herët se për Mourinhon ndeshja ndaj Slavia Prague në Europa League është si një miqësore në krahasim me derbin që e pret ndaj Laizos.
Portugezi nga ana e tij shtoi se këto fjalë të Sarrit në të vërtetë janë një ofendim për Slavia-n.
“Nëse dikush duhet të ndihet i ofenduar nga deklaratat e tij është populli i Slavia-s. Unë gjithmonë i respektoj kundërshtarët e mi, Slavia është një skuadër e shkëlqyer dhe ajo që bën diferencën është mënyra e të menduarit për ndeshjet. Ndoshta dallimi mes një trajneri që ka fituar 26 trofe kundrejt atij që ka fituar vetëm disa është pikërisht ky mentalitet. Dëshiroj të dëgjoj reagimin e Europa League për deklaratat e tij, ishte një kritikë e drejtpërdrejtë dhe objektive, ndaj do të pres”,- nënvizoi trajneri i “verdhekuq”, duke e trazuar edhe më shumë atmosferën për derbin e së dielës.
