Një debat i ashpër është regjistruar ditën e sotme në emisionin “Shqipëria Live” mes kreut të Nismës Thurje, Endrit Shabanit dhe avokatit Kujtim Cakrani, teksa po diskutohej arrestimi politik i Jamarbër Malltezit.
Cakrani e akuzoi Shabanin se partia e tij, duke iu referuar Partisë Komuniste ka grabitur pronat që në vitin 1944 dhe Nismën Thurje e ka akuzuar si parti hajdutës me “enveristë të vegjël”.
Moderatorëve Arjon Muça dhe Erjona Rusi iu desh të mbyllin emisionin për shkak të toneve të nxehta në studio.
Gazetarja Alba Kepi në një lidhje skype për Malltezin tha se: “Përpara se të jetë dhëndri i Sali Berishës, është nipi i një prej familjeve më të nderuara Begeja, që ka 60-70 mije metra katrorë pronë në Tiranë, dhe ka marrë vetëm 5% të tokës që ia kanë lënë trashigimtarët. Unë po flas fakte, ti Endri e ke personale me Berishën prandaj flet kështu,”.
Shabani: Prona është e shenjtë po zotëria e ka vjedhur. Ka marrë tokën dhe fondet publike…
Shabani: Mos e mbro Berishën, se nuk e di sa të kanë paguar…
Cakrani: Ore unë s’jam anëtar partie, unë vi nga familje që e ka themeluar këtë vend. Nuk vi nga familje plebenjsh si puna jote o djali
Shabani: Po ça i ke këto budallallëqe, ti je inferior me formimin tim…
Cakrani: Jeni ju, ti, partia jote që keni grabitur pronat që në ‘44
Shabani: Po ç’është ky mor, ku e keni gjetur këtë mor, ik mor se qenke i çuditshëm. Silli një paracetamol këtij.
Cakrani: Po ju jeni parti hajdutësh, ju Nisma Thurrje jeni të gjithë enveristë, jeni enveristë të vegjël, debatikas.
Shabani: Tani o përzeje këtë, ose disiplinojeni…
