Gjigandi i teknologjisë Meta ka njoftuar planet për të shkurtuar rreth 8,000 vende pune, ose 10% të fuqisë së saj punëtore, ndërsa synon të rrisë investimet në inteligjencën artificiale.
Sipas një memoje të brendshme, raundi i parë i largimeve pritet të nisë më 20 maj, ndërsa rreth 6,000 pozicione të tjera do të mbeten të paplotësuara.
Në të njëjtën kohë, Microsoft po shqyrton ofrimin e pensioneve të parakohshme vullnetare për rreth 8,700 punonjës, që përbëjnë afërsisht 7% të stafit.
Të dy kompanitë po përballen me presion nga investitorët për shkak të kostove të larta, ndërsa përpiqen të balancojnë shpenzimet me fitimprurësinë afatgjatë.
Këto masa lidhen me investimet masive në IA, ku CEO i Metës, Mark Zuckerberg, ka theksuar zhvillimin e “superinteligjencës personale” që përshtatet me nevojat e përdoruesve.
Ndërkohë, Microsoft po zgjeron rrjetin global të qendrave të të dhënave për të fuqizuar shërbimet cloud dhe sistemet e saj të inteligjencës artificiale, duke rritur ndjeshëm shpenzimet në këtë sektor strategjik.
