Stuhia “Ciaran” që ka goditur Italinë, Francën dhe gjithë Europën parashikohet të prekë edhe Shqipërinë.
“Pjesa më e madhe do të ketë reshje ne formë shtrëngatash. Me intensitet në pjesën më të madhe të veriut dhe qendrën. Sonte gjatë natës dhe dita e shtunë do të jetë situata më e përkeqësuar. Nesër do të ketë alarm të kuq”, u shpreh meteorologia Ladja Porja.
Sipas saj, qarqet problematike do të jenë Shkodra, Kruja, Tirana, Elbasani, Korça.
“Do të kenë probleme nga reshjet intensive deri në mesin e javës tjetër që do kemi një situatë më të përmirësuar”, shprehet Porja.
“Termometri do të regjistrojë jo më shumë se 20 gradë. Do të ketë një rritje të lehtë e diela dhe rritje gjatë javës. Por mund të them që pjesa tjetër e muajit nëntor do të jetë shumë e lagësht sa i përket reshjeve dhe një tjetër stuhi do të godasë vendin”, u shpreh meteorologia.
