Të mërkurën, më 13 gusht, në orën 21:00, në një episod premierë në TrupodcastMedia, ish-nënkryetarja e lëvizjes “Shqipëria Bëhet”, Etleva Merko, do të flasë pas dorëheqjes së saj nga kjo forcë politike e drejtuar nga Adriatik Lapaj.
Në një rrëfim pa filtra, ajo zbulon se pse vendosi të largohej, duke e cilësuar politikën shqiptare si një sistem ku “i vetmi profesion i politikanëve tanë është kollarja dhe xhaketa” dhe ku vendimet merren për interesa personale e familjare, “për teze, daja e hallë, jo për qytetarin”.
Etleva flet për dështimin e strukturave, frikën e liderëve për të qëndruar vetëm dhe kulturën e përjashtimit të atyre që mendojnë ndryshe, të cilët shpesh etiketohen si “tradhtarë”.
Një pjesë e rëndësishme e bisedës i kushtohet arsimit, fushës që ajo e cilëson si plagën më të madhe të vendit.
Ky episod i TrupodcastMedia premton të sjellë prapaskena dhe të pathëna mbi atë që ndodh brenda politikës shqiptare.
Njoftimi i plotë
DHASHË DORËHEQJEN E PARA: PSE IKA NGA ADRIATIK LAPAJ?!
Kemi të bëjmë me njerëz që, sipas Etlevës, të vetmin “profesion” që kanë politikanët tanë, është kollarja dhe xhaketa.
Në Shqipërinë tonë, politika bëhet jo për popullin, por për interesat personale e familjare, teze, daja, hallë.
Gabojmë sepse të gjithë kanë frikë ta projektojnë veten vetëm.
Gabojmë sepse nuk dimë të jemi liderë.
Gabojmë sepse nuk dimë të ndërtojmë struktura.
Ndaj edhe njerëzit më të mirë largohen… u duhet të largohen.
Ata që mendojnë dhe shohin ndryshe? S’janë gjë tjetër veçse tradhtarë dhe të këqinjtë.
Për këtë do të na flasë ish-nënkryetarja e “Shqipëria Bëhet”, një zë që i ka parë gjërat nga brenda.
Do të shqyrtojmë së bashku pse dështuan dhe pse Etleva zgjodhi të largohej, duke u shprehur se asgjë nuk e kthen më aty.
Flasim për prapaskenat dhe plagët e Shqipërisë.
Ajo që dhemb më fort: Arsimi.
Do të trajtohet nga perspektiva e dy personazheve që e kanë prekur nga afër dhe e shohin çdo ditë ku po çalon.
Është një bisedë që nuk duhet humbur, për të kuptuar më shumë rreth atyre gjërave që ndoshta nuk i keni kuptuar kurrë.
View this post on Instagram
