Lidhur me denoncimin e zonjës Mimoza Bekaj, shtëpia e së cilës, kishte përfunduar e shkatërruar, pasi e la disa muaj me qira, gazetarja u përball me administratoren e agjencisë “Future home” dhe punonjësen.
Administratorja kërcënoi me burg gazetaren dhe të zonjën e shtëpisë, duke përdorur fjalorin më fundor të mundshëm.
“Të më sjellësh mua Stopin tek dera, i ke dhënë material një Televizioni. Unë nuk e di, çfarë raporti ke me ta, që mos të më shqitet nga dera. E para, e dyta për dëmtim imazhi, Eri nesër, nëse ti nuk e ç’bën gjënë, të ngrejë padi. Dhe e di, se sa kushton dëmtimi i imazhit tim Moza? Për dëmtim imazhi të agjencisë, dëmshpërblimi kushton më shumë se shtëpia o shpirt.
Oj Moza, m’u bë mediatike, e para, që shkon në burg je ti! Kujt i more leje ti, me më sjell gazetaren në zyrë? Është dëmtim imazhi moj, se e publikon Stopi, bën gallatë, qesh me mua, moj zonjë! Ma heq liçensën? Më rr*an p*dhin!, më fal për shprehjen! Moza, unë jam kaq me dinjitet, jam e gatshme të të shqyej ty, bashkë me atë. Kush je ti, të më marrësh mua në zyrën time, dhe në punën time”, kërcënon administratorja Eriola Canga.
Pas këmbënguljes sonë dhe presionit publik, qytetarja përfitoi dëmshpërblimin e plotë, duke falënderuar emisionin “Stop” për zgjidhjen e rastit.
