Në ceremoninë mortore të lamtumirës për kryepeshkopin Anastas Janullatos mbajti fjalim edhe mbesa e tij Roksana Janullatos.
“Lejomëni t’ju drejtohem vëllezërve të Shqipërisë. Vëllezërit e mi! Në emër të familjes sonë doja t’ju falënderoja për dashurinë që keni treguar për xhaxhin tonë gjatë këtyre viteve. Për ne; Gjerasimin, Athinën e mua ai është xhaxhai ynë, që na ka mbështetur nga afër përmes fjalës së tij dhe nga larg përmes lutjes së tij”.
Mbesa e kryepeshkopit foli edhe për dashurinë që xhaxhai kishte për popullin shqiptar me të cilin jetoi për 33 vite dhe për dashurinë e perëndisë.
“Ju e dini sesa shumë e deshi popullin me të cilin jetoi për më shumë se 30 vjet, të Shqipërisë të vendit që u bë atdheu i tij i dytë. Vëllezërit e mi, ne të krishterët ortodoksë e dimë që perëndia është dahsuri dhe ai qëndron në dashuri që qëndron në perëndinë dhe perëndia qëndron në të. Kjo ishte jeta e Anastasit; dashuri, ofrim, drejtësi, vërtetësi, përulësi, përpjekje, guxim e shpresë”.
Ajo u bëri apel shqiptarëve që të ndjekin shembullin e kryepeshkopit dhe theksoi se dashuria dashuria nuk bën dallime mes racave, kombeve, shteteve dhe feve.
“Le të përpiqemi vëllezërit e mi të ndjekim shembullin e tij, i cili pati dashuri për Perëndinë e dashurisë, dhe të sjellim ndër mend që dashuria nuk bën dallime mes racave, kombeve, shteteve dhe feve. Krishti u ngjall!”.
