Maldivet janë bërë i vetmi vend në botë që zbaton një ndalim të pirjes së duhanit në të gjithë brezat, duke parandaluar këdo që ka lindur pas 1 janarit 2007, të blejë ose përdorë produkte duhani, sipas Ministrisë së Shëndetësisë së vendit.
Iniciativa, e miratuar nga Presidenti Mohamed Muizzu në fillim të këtij viti dhe që hyn në fuqi më 1 nëntor, synon të “mbrojë shëndetin publik dhe të promovojë një brez pa duhan”.
Sipas ministrisë, “personat e lindur më 1 janar 2007 ose pas kësaj date u ndalohet blerja, përdorimi ose shitja e produkteve të duhanit në Maldive”. Ndalimi vlen për të gjitha format e duhanit dhe shitësit duhet të verifikojnë moshën para se të shesin.
Masa vlen edhe për vizitorët në kompleksin ishullor prej 1,191 ishujsh koralorë, të shpërndarë afërsisht 800 km përgjatë Ekuatorit, të njohur për turizmin e tyre luksoz.
Në të njëjtën kohë, ministria mban një ndalim të plotë për importin, shitjen, shpërndarjen, posedimin dhe përdorimin e cigareve elektronike dhe pajisjeve të avullimit për të gjithë personat, pavarësisht nga mosha.
Shitja e produkteve të duhanit te të miturit mbart një gjobë prej 50,000 rufija (afërsisht 2,800 €), ndërsa përdorimi i pajisjeve të avullimit dënohet me një gjobë prej 5,000 rufija ( afërsisht 280 €).
Vërehet se një ndalim i ngjashëm u propozua në Mbretërinë e Bashkuar dhe është ende në proces legjislativ, ndërsa Zelanda e Re, vendi i parë që miratoi një ligj të tillë, e shfuqizoi atë në nëntor 2023, më pak se një vit pas zbatimit të tij.
