Një aksident me pasojë vdekjen është regjistruar në autostradën Vlorë–Fier, pranë zonës së Novoselës, ku një person ka humbur jetën pasi është goditur nga një automjet.
Sipas të dhënave të para, viktima po tentonte të kalonte autostradën kur është përplasur nga mjeti që po qarkullonte në këtë aks rrugor. Për shkak të përplasjes së fortë, ai ka marrë dëmtime fatale dhe ka ndërruar jetë në vend.
Burime paraprake bëjnë me dije se personi mund të ketë qenë endacak, ndërsa identiteti i tij nuk është konfirmuar ende nga autoritetet.
