Kryetarja e Bashkisë së Roskovecit, Majlinda Bufi, është marrë e pandehur nga Prokuroria e Posaçme.
Bufi është marrë e pandehur për veprën penale “Përdorimi i funksionit publik për veprimtari politike”.
Hetimi ndaj kryebashkiakes socialiste nisi pas një kallëzimi penal ndaj saj. Dosja e Bufit është përfunduar nga SPAK dhe është dërguar në Gjykatën e Posaçme, ku pritet të hidhet shorti dhe të kalojë më pas në fazën e shqyrtimit paraprak.
