Llupa, deklaroi se me Federatën e Futbollit, nuk shkon mirë, ndërsa shtoi se nuk ndërhyn kurrë në formacionin e trajnerit.
Kur ke një rezultat negativ, ndërhyjnë shumë faktorë nga jashtë, ku japin mendime. Unë këto i shumëzoj me zero.
Me Nevil Deden, kam një njohje shumë të hershme. Gëzon respektin tim personal. Qëkur kemi shfaqur interes për ta marrë, nuk kemi qenë kurrë të lëkundur për trajnerin. Fjalët lart e poshtë nuk më interesonin. Trajneri ka vlerësimin tim.
Nuk do ndodhi kurrë që unë t’i ndërhyj trajnerit. Para ndeshjes, nëse e kam pyetur për formacionin, unë jap dorëheqjen. Duke qenë se jam më i riu nga presidentët, shikoj presidentët që shkruajnë gjithë kohën. Unë nuk do ndërhyj kurrë. Nëse ndërhyj, trajneri nuk është më. Ndërhyrjet e prishin gjithçka.
Nuk ndodh që një president të marrë një klub, për ta çuar në elitë dhe të tërhiqet. Nuk është një projekt një vjeçar apo dy vjeçar. Kur unë u prezantova si president, tifozët shtruan një darkë dhe mbeta i impresionuar. Dënimi i tifozëve, ishte një ngjarje e rëndë për Elbasanin.
Stadiumi i ka dhënë mësim Superiores. Unë me FSHF-në, nuk shkoj mirë. E bëra apelimin për tifozët. Nëse i shkruar presidentit Duka, ai do të thotë: Pse unë e bëra këtë?! Nuk kam çfarë diskutoj me të.
Kategorinë e Parë e kaluam, unë nuk jam nga ata tipa që premtoj për kampion. Unë ëndërroj të jem mes katër më të mirave, ky është objektivi im. Nëse Elbasani do jetë në Final Four, do arkëtohen shumë lekë.
Unë nuk kam dalë asnjëherë deri më sot. Nuk kam qëllim të godas askënd. Nëse i marrim nga java e parë, nëse unë dal i fituar nga arbitrat, përsëris deklaratat e mësipërme.
Para dy javësh, e kam ftuar Nevil Deden, kemi folur dhe në ditët e ardhshme, do të mbyllim një kontratë 2-3 vjeçare.
