Qeveria ka miratuar një sërë ndryshimesh në përbërjen e saj, gjatë mbledhjes së sotme të Këshillit të Ministrave.
Me vendimet e reja, disa institucione kyçe kanë marrë zëvendësministra të rinj, ndërsa të tjerë janë liruar nga detyra.
Sipas njoftimit zyrtar, Vilma Premti është emëruar zëvendësministre për Evropën dhe Punët e Jashtme, ndërsa Elona Hoxha do të mbajë detyrën e zëvendësministres së Drejtësisë.
Në kabinetin e Infrastrukturës dhe Energjisë është shtuar Besjan Kadiu, ndërsa në Bujqësi dhe Zhvillim Rural është emëruar Fatmir Guri.
Ndërkohë, nga detyra janë liruar:
Silda Çepe, zëvendësministre për Evropën dhe Punët e Jashtme;
Ana Kapaj, zëvendësministre e Arsimit dhe Sportit;
Klajd Karameta, zëvendësministër i Drejtësisë.
Këto ndryshime vijnë si pjesë e riorganizimit të brendshëm të qeverisë, ndërsa burime pranë mazhorancës thonë se lëvizjet do të vazhdojnë edhe në ditët në vijim në disa institucione të tjera.
