Kuvendi i Shqipërisë mblidhet sot në seancën e radhës plenare, e cila pritet të nisë në orën 10:00.
Në fokus të seancës pritet të jetë interpelanca urgjente me kryeministrin Edi Rama, e kërkuar nga një grup deputetësh të Partisë Demokratike, në mbështetje të nenit 80 të Kushtetutës dhe nenit 97 të Rregullores së Kuvendit
Një tjetër interpelancë është kërkuar edhe me ministrin e Infrastrukturës dhe Energjisë, Enea Karakaçi, ndërsa deputetja Ina Zhupa ka kërkuar seancë pyetje-përgjigje me ministrin e Turizmit, Kulturës dhe Sportit, Blendi Gonxhja.
Në rendin e ditës janë përfshirë gjithashtu disa projektligje të rëndësishme, mes tyre ndryshimet në Kodin Rrugor, projektligji për identifikimin elektronik dhe portofolin e identitetit digjital, si dhe ndryshime në ligjin për shtetësinë, akcizat dhe taksat kombëtare.
