Ambasadori i BE në Tiranë, Silvio Gonzato ka ngritur shqetësimin për ndikimin që korrupsioni ka te largimi i të rinjve nga vendi.
Në takimin e dytë i nivelit të lartë “Shqipëria 2030 në BE – Rruga e Reformave”, ku ishte i pranishëm edhe kryeministri Rama, Gonzato tha se të rinjtë shqiptarë janë të shqetësuar për të ardhmen e vendit dhe kjo ka sjellë largimin e tyre masiv.
Po ashtu, Gonzato vuri në dukje se në Shqipëri mungon një sistem që të bazohet te merita.
“Dialogu social luan rol në shëndetin e Shqipërisë dhe është pjesë e rëndësishme e politikave sociale dhe të punësimit që janë edhe pjesë e grup kapitullit numer 3 që do të çelet shumë shpejt.
Dialogu social nuk është i rëndësishme vetëm për anëtarësim por edhe për kohezionin.
Të rinjtë shpesh janë të shqetësuar për të ardhmen dhe kjo sjellë dëshirën për të emigruar, sepse kanë pasiguri për punën, kjo mund të vij edhe prej punësimit informal, nuk paguhen ditët kur nuk janë mirë me shëndet.
Shqetësim tjetër është cilësia e arsimit. Por edhe korrupsioni, është pengesë e madhe për të rinjtë që të realizojnë ëndrrat. Mungon një sistem që bazohet tek merita. Na duhet një dialog social dhe domethënës.
Shpesh OJQ janë në pozitë më të mirë se zyrtarët për të folur me të rinjtë.
BE keni në krah për t’ju ndihmuar për t’ju ndihmuar me punësimin dhe dialogun social, përmes planit të rritjes që adreson çështjet socio-ekonomike në Shqipëri por në Ballkanin perëndimor në tërësi”, deklaroi Gonzato.
