“Big Brother Vip Albania” ka konfirmuar dy opinionistët që do të ketë në edicion e katërt, teksa ndryshon vetëm njëri nga edicioni i kaluar.
Më konkretisht, konfirmohet si opinionist Arbër Hajdari, i cili vazhdon të jetë prej katër vitesh në të njëjtin pozicion.
Ndërsa, opinionistja tjetër do të jetë Neda Balluku, e cila rolin e opinionistes e ka bërë edhe në programin “Për’puthen”. Gjithashtu, ajo ka qenë edhe vetë një banore e Big Brother 4 në vitin 2011.
Neda Balluku do të zëvendësojë në atë pozicion Ori Nebijajn, e cila ka qenë opinioniste në edicionin e kaluar, teksa tek dy të mëparëshmit kanë qenë Balina Bodinaku dhe Zhaklin Lekatari.
“Big Brother Vip Albania” thuhet se do të nisë më 24 Dhjetor, teksa ende nuk ka ndonjë banor të konfirmuar, pavarësisht aludimeve.
