Përcillet për në banesën e fundit, kryepeshkopi Ansastas Janullatos. Trupi i tij do të prehet në Kriptën e Katedrales ortodokse “Ngjallja e Krishtit”.
Të pranishëm në homazhet për kryepeshkopin Janullatos, ishin krerët më të lartë të politikës shqiptare dhe asaj greke, ndërsa fjalimin e përmortshëm gjatë Shërbesës së Varrimit Kryepiskopit të ndjerë të Tiranës, Durrësit dhe të gjithë Shqipërisë, e mbajti, Shenjtëria e Tij, Patriarku Ekumenik Bartholomeu.