Ish-mbrojtësi i Anglisë, Met Upson, ka vlerësuar si të pabesueshme ndërhyrjen e Berat Gjimshitit që i hoqi një gol të sigurt Herri Kejn në pjesën e parë të ndeshjes.
“Një gjuajtje e shkëlqyer me kokë e Bellingam. Anglia po del përsëri nga krahët, është një bllokim i pabesueshëm nga kapiteni shqiptar, Berat Gjimshiti.
Kejn ishte duke shtyrë topin me të brendshmen në portë dhe Gjimshiti u lëshua para portës”, tha fillimisht ai në BBC 5 Live.
Ndërsa më pas, ish-fituesi i titullit kampion me Arsenalin nuk ngurroi të kritikonte kuqezinjtë.
“Kemi një skuadër e cila do të qëndrojë e tërhequr. Një ndeshje entuziazmuese ndodh kur janë dy skuadra që përplasin brirët dhe e kërkojnë fitoren”, tha ai
