Ish-ministri i Mjedisit, Lefter Koka ka kërkuar pafajësinë në seancën gjyqësore për inceneratorin e Fierit.
Koka ka deklaruar se nuk është ai peshku i madh që kërkon drejtësia dhe pretendoi se hetimet, edhe pse ka kaluar një vit, nuk kanë asnjë ndryshim.
“S’jam unë peshku i madh, nuk dënoni korrupsionin me mua. Megjithëse u bë një vit hetim, konkluzionet e prokurorëve janë pa asnjë ndryshim. Unë e kuptoj qe institucioni do të marrë kredibilietet, edhe kjo gjykatë do jetë presion por besoj qe do jepni drejtësi re do ngriheni në nivelin e duhur të integritetit”, deklaroi Koka.
Ai ka akuzuar nga salla e gjyqit se akuzat vijnë nga kallëzimi i Monika Kryemadhit, duke e etiketuar këtë të fundit si manipulatore.
“E keni gabim e dëgjova prokurorin sit dhe ky është fiks kallëzimi i Monika Kryemadhit. Ata janë manipulatorë si Monika si Iliri, ai manipuloi situatën për të hequr në departament edhe një ambasador se besuan Ilirin”, tha Koka.
